l.ιlιlι.lι WWW.ArabEgypt.Dahek.net l.ιlιlι.lι
مرحبا بك عزيزي الزائر يرجي التكرم بالتسجيل في عرب ايجيبت لتحميل كل ما هو جديد

l.ιlιlι.lι WWW.ArabEgypt.Dahek.net l.ιlιlι.lι

Montada Arab Egypt
 
الرئيسيةاجدد الحصرياتاليوميةس .و .جبحـثالأعضاءالمجموعاتالتسجيلدخولاسمع راديو اف ام
افلام عربي - افلام اجنبي - اغاني - شعبي - كليبات - برامج - العاب  - اسلاميات - موبايل - WWE

شاطر | 
 

 انت جااامد او انتى جااامدة فى ايه ؟؟؟؟؟؟؟؟

اذهب الى الأسفل 
كاتب الموضوعرسالة
matrixo
عضو فعال
عضو فعال


علم الدولة :
عدد المساهمات : 32
تاريخ التسجيل : 04/09/2010

مُساهمةموضوع: انت جااامد او انتى جااامدة فى ايه ؟؟؟؟؟؟؟؟   السبت سبتمبر 04, 2010 11:07 pm

الواد ده جامد جدا

كلمة بتتقال

والبنت دي جامدة جداً

كلمة برضة بتتقال

بس انت جامد في ايه عشان نقول انت فعلا جامد وانتي نفس الكلام


هل انت جامد في البلاي ستيشن هل انت جامد في لعبة فيفا ولا جامد في معرفة كل الممثلين والمطربين والمطربات
يعني مافيش اسم يعدي عليك جديد او قديم الا وتكون عارفه وعارف اخباره كمان

ولا انت جامد في اخبار الرياضة عارف
الحالة الصحية لابو تريكه واخبار عصام الحضري في سيون ولا عمرو زكي في
ويجان ولا اخبار وائل جمعة ولا حسن مصطفى ولا جمال حمزة ولا شيكابالا
واخباره مع الزمالك والمشاكل ولا المشاكل الحديثة بتاعة ابراهيم سعيد مع
الاسماعيلي


طيب ولا انت جامد في اخبار العالم والاخبار المحلية وتعرف كل حاجة بوش راح فين وساركوزي بيعمل ايه و و و....الخ

ولا انت جامد في الشتايم تعرف كل شتيمة وبتقول على نفسك قليل الادب وصايع ومن وجهة نظرك كده انت جامد

ولا انت جامد الوحيد اللي بتعلق
البنات واكتر واحد في اصحابك اللي برضة بيفكروا نفس تفكيرك انت اكتر واحد
فيهم وسيم وبتلعب حديد وجسمك مشدود بقى ومجانس وترابيس وعضلات واوعى وشك
يعني حاجة اخر حاجة


ولا انت جامد اللي بتشرب سجاير اكتر من اصحابك وتتباهى بكده وبتقول انا بشرب بالعلبتين والثلاثة
وانا اكتر واحد فيكم باخد نفس لما بشرب شيشة
وبطلع دخان من وداني كمان


كل الحاجات اللي فاتت
في منها الغلط والتافة واللي بيضيع وقت والحرام والصح -
مثلا
الغلط والحرام بيشتركوا مع بعض -
لو بصيت على بنات او عاكست بنات او تحرشت ببنات
كذلك لو شربت سجاير او شيشة ده حرام لانك بتقتل نفسك
وربنا قال : ولا تقتلوا انفسكم
ودوول مووت بالبطيئ
كذلك من الحاجات الحرام الشتايم و و و
الخ لانك بكده بتقول للعالم انا مش بطبق ديني عشان رسولنا اسوتنا عمره ما
سب ولا شتم ولا كان غليظ

بالعكس كان رحيم , الين خلف الله في معاملته , قوي وكان صاحب اجمل لسان لا يسب ولا يلعن ولا يشدد على احد
فهذا رسول الله وماذا تريد انت ان تكون مثله وتدخل الجنة ام تعارض اخلاقه وتكون في الهاوية وربنا يستر عليك ساعتها


اما بقى الصح والمفيد في كتير امثلة زي اللي قولناها واللي مقولناهاش-

انك تلعب حديد وتهتم بصحتك--
انك تعيش وتبقى فاهم الدنيا ماشية ازاي واخبار الدنيا حواليك ايه --
انك تكون تعرف دينك كويس قاري كتير وعارف كتير وفاهم الاساسيات اللي بيها تعيش سعيد في الدنيا


اما بقى التافه والغير مفيد في الكلام اللي قولناه-
انك تقول انا اعرف كل الممثلين والمطربين
والمطربات والممثلات
وانك تكون عارف اخبار الكرة وانت اصلا مش بتلعب اي رياضة
وانت اصلا بكده بتضيع وقت كبير جدا وكتير في تفاهات ملهاش لزمة
ومش حتفيدك بل بالعكس حتدخل قلبك الحسد
الممثل ده بياخد ملايين واللعيب ده بياخد كتير كتير كتير من الفلوس
وانت لسه مشتغلتش او المرتب بتاعك على قدك

بالله عليك حتتعب نفسيا ولا لأ


اما بقى البنااااااااااااااااااات

انتي جامدة اوي في ايه

انتي جامدة اكتر واحدة تعرفي في الموضة وعندك مجالات كتيرة واكتر واحدة بتفهمي الحجات دي

انتي اجمد واحدة اللي بتلبس لبس جامد جدا سواء كنتي محجبة او غير محجبة المهم لبسك يكون جامد جدا حتى لو كانت ملفت للنظر

انتي جامدة في ايه انتي الوحيدة في شلة البنات اصحابك اللي
كل الولاد لما يشوفوها يتهبلوا عليها من جمالها وانتي اجمد واحدة برضة
بتتباهي بجمالك ويا اصحابك


انتي اجمد واحدة بتقول لصاحبتها انا اعرف فلان وفلان وفلان وبمشي مع فلان وكمان فلان وفلان

واللي انتي اكتر واحدة بتكلمي صاحباتك عن مغمراتك العاطفية اللي ممكن تكون بريئة ولا مش بريئة

واللي انتي اغنى واحدة في اصحابك وكل يوم تيجي بلبس شكل وتتمنظري قصاد صاحباتك باللبس واللي هما اقل منك ماديا وفيكي الطبع ده


انتي شايفة نفسك جامدة جدا لما تلاقي شاب يعاكسك او بيسمعك
كلام بيحسسك انك جميلة وزي القمر وتنبسطي اكتر لما الشباب يقولوا عليكي
انتي صاروخ ويخربيت جمالك


****************

انت جامد لما تكون بجد بتفيد نفسك وبتفيد غيرك
زي ماقال رسول الله
"خير الناس انفعهم للناس"
او كما قال رسول الله

انت جامد لما بتكون بتطيع ربنا وبتطيع سيدنا رسول الله

قال تعالى
ومن يطع الله ورسوله فقد فاز فوزا عظيما

ومن يطع الله ورسوله يدخله جنات تجري من
تحتها الانهار خالدين فيها وذلك الفوز العظيم ومن يعصِ الله ويتعدى حدوده
ويتعد حدوده يدخله نارا خالدا فيها وله عذاب مبين


انت جامد لما تكون ناجح في شغلك ودراستك
لما تكون بتحب بلدك وتدفع عنها
لما تكون راجل بجد فيك اخلاق رجل الرجال سيدنا محمد صلى الله عليه وسلم
لما تكون فعلا خلوق بتحب كل الناس وبتحبلهم الخير وبنفع غيرك وخيرك ليك ولغيرك ولبلدك ولنصر دينك عشان يقولوا فعلا دين الاسلام بيقوي
لما بتكون مش بتضيع وقتك على الفاضي وكل حياتك ليها قيمة وقيمة غالية كمان
مش حتحس بأي ملل طول ما انت بتعمل حاجة مفيدة وياه لو انت عارف ان كل ده ثوابه كبير من عند ربنا لما تحتسب كل اعمالك الحلوة عند ربنا

لما تكون بتشرب سجاير وشيشة وتبطلها
عشان ربنا يرضا عنك وعشان الناس يقلدوك وتاخد ثوابهم وعشان صحتك وعشان بلدك
وتكون قوي لان المدخن بيهدم القوة اللي ممكن تكون عنده اثناء فترة الشباب
وفترة الشيخوخة بدل مايبقى قوي وقادر يعمل حجات كتيرة يبقى عامل زي الميت
ويتشال

لكن لما بعدنا عن الدين تعبنا وكلمة شعر كده بتقول

واهي ايام عايشنها وادينا ليه ناسيين
ان الدنيا دي فيها قانون اسمه الدين
لما بعدنا عنه تعبنا ايام وسنين

والبنت تبقى جامده

لما تكون محافظة على نفسها وعلى حجابها
لما تكون لابسه الحجاب عشان خاطر ربنا مش عشان خاطر حد
لما تكون عارفة شروط الحجاب الصحيحة
لما تكون مهتمة بالحاجات اللي تفيدها بس
تتعلم ازاي تكون طباخة هايلة
تتعلم ازاي تعامل ربنا وتقرأ لعلماء في اوقات تنظمها عشان يبقى كل وقتها مفيد

وربنا يتقبل منا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Mr Sniper
Admin
Admin
avatar

علم الدولة :
عدد المساهمات : 579
تاريخ التسجيل : 19/07/2010
العمر : 24
العمل/الترفيه : طالب
المزاج : فل والحمد لله

مُساهمةموضوع: رد: انت جااامد او انتى جااامدة فى ايه ؟؟؟؟؟؟؟؟   الأحد سبتمبر 05, 2010 7:34 am

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://arabegypt.dahek.net
 
انت جااامد او انتى جااامدة فى ايه ؟؟؟؟؟؟؟؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
l.ιlιlι.lι WWW.ArabEgypt.Dahek.net l.ιlιlι.lι  :: °•..•° القـسـم العام°•..•° :: المنتدي العام-
انتقل الى: